काठमाडौं।नेपाल पत्रकार महासंघले कोरोना संक्रमित पत्रकारका लागि अक्सिजन सहितको आइसोलेशन केन्द्र निर्माण गरेको छ।

महासंघले केन्द्रीय कार्यालयमा अक्सिजनसहितको १० बेडको आइसोलेसन केन्द्र निर्माण गरेको हो।जसमध्ये ५ बेडको आइसोलेसन तयार भएसकेको र बाँकी थप ५ बेडको आइसोलेसन तयार हुँदै गरेको बताएको छ।महासंघले कोरोना संक्रमित पत्रकार तथा सञ्चारकर्मीको उद्दार तथा उपचारमा सक्रिय भएर लाग्न देशभरका सबै प्रदेश र शाखाहरुलाई अनुरोधसमेत गरेको छ।

संक्रमित पत्रकारका लागि अहिलेसम्म महासंघको रोल्पा, दाङ, कपिलवस्तु, अर्घाखाँची, गुल्मी, पर्वत र बाग्लुङशाखाले अक्सिजनसहितको आइसोलेसन सेन्टरको व्यवस्था गरिसकेको छ।

नेपालमा हालसम्म देशभर ६५० पत्रकार कोरोना संक्रमित भएकोमा २५० जना सक्रिय संक्रमित रहेका छन् ।

क्याटेगोरी : समाचार
ट्याग : ##आइसोलेशन केन्द्र निर्माण, #breaking, #नेपाल पत्रकार महासंघ

---

---

---