काठमाडौं, १० वैशाख । आगामी जेठ ६ गते बिहीबार हुने राष्ट्रिय सभा सदस्य उपनिर्वाचनका लागि दल दर्ता गर्न निर्वाचन आयोगले आह्वान गरेको छ ।

संविधानको धारा २७१ अनुसार उपनिर्वाचनका लागि राजनीतिक दल दर्ता गर्न आयोगले आग्रह गरेको छ । दलको विधान, नियमावली तथा घोषणापत्रसहित कागजातहरू दल दर्ताका लागि आवश्यक पर्ने आयोगले शुक्रबार जारी गरेको सूचनामा उल्लेख छ ।

सूचना अनुसार वैशाख १४ गतेभित्र दल दर्ता गरिसक्नु पर्ने छ । बागमती प्रदेशमा रिक्त एक राष्ट्रिय सभा सदस्यका लागि उपनिर्वाचन हुन लागेको हो ।

नेकपा माओवादी केन्द्रबाट २०७४ को निर्वाचनमा रामबहादुर थापा बादल यो क्षेत्रबाट निर्वाचित भएका थिए । बादलले आफ्नो दल त्याग गरेपछि राष्ट्रिय सभा सदस्यको पद रिक्त भएको हो ।

क्याटेगोरी : समाचार
ट्याग : #hot, #निर्वाचन आयोग

---

---

---