काठमाडौं।महानगरीय ट्राफिक प्रहरी महाशाखाले ट्राफिक नियम उल्लङ्घन गरेबापत तिर्नुपर्ने जरिवाना मोबाइलबाटै तिर्न सकिने गरी शुक्तबारदेखि नै सेवा विस्तार गरेको छ।

यसअघि अनलाइन सेवा प्रदायक संस्थाबाट ट्राफिक जरिवाना भुक्तानी शुरु गरिएको र अब भने आफ्नै बैंक खाताबाट सिधँं जरिवाना तिर्न सकिने गरी सेवा विस्तार भ्एको हो।यसले सवारी चालकलाई जरिवाना तिर्न बैंकमा लाइन बस्नुपर्ने पर्ने बाध्यताको अन्त्य भएको र ट्राफिक कार्यालयमा हुने भिडभाडमा समेत कमी आउने विश्वस गरिएको महाशाखाका बरिष्ठ प्रमुख प्रहरी उपरीक्षक जनक भट्टराईले  बताए।

ट्राफिक महाशाखाले ट्राफिक जरिवाना रकम ट्राफिक भ्वाइलेसन रेकर्ड सिस्टम/ टिभीआरएस, नेपाल सरकारको राजश्व व्यवस्थापन सूचना प्रणाली /आरआइएमएसर सेवा प्रदायक संस्थाबीच समन्वय गरी सम्बन्धित व्यक्तिको बैँक खातामार्फत भुक्तान हुने गरी सफ्टवेयर प्रणालीको विकास गरेको बताएको छ ।

अब  थप ४५ वटा बैंक तथा वित्तीय संस्था र ७ वटा अनलाइन भुक्तानी सेवा प्रदायक संस्थाबाट सिधै ट्राफिक जरिवाना भुक्तानी गर्न सकिने बताएको छ ।

क्याटेगोरी : समाचार
ट्याग : ##जरिवाना मोबाइलबाटै तिर्न सकिने, #breaking

---

---

---