विराटनगर । नेविसंघमा देउवा अध्यक्ष रहँदा उपाध्यक्ष रहेका कांग्रेस नेता अशोक कोइरालाको श्रद्धाञ्जली सभामा विराटनगरमा पुगेको कांग्रेस सभापति शेरबहादुर देउवा पत्रकारसँग झोक्किँदै कार्यक्रम छाडेर हिँडेका छन्।

सरकारमा जाने नजाने भन्ने विषयमा प्रश्न सोधेपछि देउवा पत्रकारसँग रिसाएर हिँडेका हुन्।

विराटनगर विमानस्थलमा आज स्थानीय सञ्‍चारकर्मीसँग कुराकानी गर्दा सभापति देउवा झोक्किँदै कार्यक्रम छाडेर हिँडेका थिए।

कांग्रेस सरकारमा कहिले जान्छ ? भन्ने पत्रकारहरूको प्रश्नमा कांग्रेस विपक्षी पार्टी हो, तत्काल सरकारमा जाँदैन भनेका थिए।

त्यस लगत्तै त्यसो भए अहिलेकै सरकारलाई समर्थन गरेर जाने अवस्था हो? भन्ने प्रश्न सुनेर देउवा रिसाएका हुन् । उनले आफू बसेको आसनबाट झोक्किँदै उठ्ने क्रममा हत्तेरिका विपक्षी पार्टी विपक्षमा हो, विपक्षी पार्टी, विपक्षी पार्टी, विपक्षी पार्टी , जानुस् । भन्दै झोक्किँएका थिए ।

त्यसअघि पत्रकारले सरकारविरुद्ध संसदमा अविश्वासको प्रस्ताव कहिले लैजाने तयारी के छ ? भन्ने प्रश्नमा देउवाले कांग्रेससँग छलफल नभएको भन्दै अरूले नै अविश्वास प्रस्ताव लैजाने बताएका छन् ।

क्याटेगोरी : समाचार
ट्याग : ##पत्रकारसैग झोक्किँदै देउवा, #breaking

---

---

---