रोटरी क्लब अफ काठमाडौं नर्थद्धार चेपाङ बालबालीकाहरुलाई सहयोग

साझा पाना २०७७ फागुन २२ गते १४:३६ मा प्रकाशित

गोर्खा । रोटरी क्लब अफ काठमाडौं नर्थले गण्डकी गाउँपालिका –७ घ्याल्चोक , बेलटारमा रहेको प्रजा ज्योति प्राथमिक विद्यालयका चेपाङ बाल बालिकाहरुलाई स्कुल ब्याग , ट्रयाकसुट र शैक्षिक सामाग्रीहरु वितरण गरेर सहयोग गरेको छ । शुक्रबार रोटरी क्लब अफ काठमाडौं नर्थका अध्यक्ष रोटरीयन गौतम प्रसाद खनाल, क्लबका पूर्व अध्यक्ष रोटरीयन बलराम राई लगायत क्लबका अन्य पदाधिकारिहरुले प्रजा ज्योति प्र.वि.,गोर्खा बेलटार मै गएर एक कार्यक्रमकाबीच उक्त सहयोग गरेका हुन ।

पुर्व प्राथमिक तहदेखि कक्षा तीनसम्मका ७५ जना बालबाललीकाहरुका लागि क्लबले सहयोग स्वरुप प्रतिव्यक्ति एक / एक वटा स्कुल ब्याग ,ट्रयाकसुट , १०/१० वटा कापी , पेन्सिल र इरेजर गरि १६ सय अमेरिकन डलर अर्थात झन्डै रू एक लाख ८० हजार रकम बराबरका उक्त सामाग्रीहरु बलबालीकाहरुकै हातमा हस्तान्तरण गरेको थियो ।

कार्यक्रममा क्लबका अध्यक्ष खनालले करिब १ सय ६० घरधुरी रहेको चेपाङ बस्तीका ती बाल बालिकाका बावुआमाहरु दैनिक रुपमा मजदुरी गर्ने र आर्थिक अवस्था निकै कमजोर रहेकाले किताब कापी त परै जाओस् समयमा खान समेत नपाउने हुँदा पढ्नै नआउने र आइहाले पनि भोकै र फाटेको लुगा लगाएर आउने भन्ने जानकारी प्राप्त भएपछि सहयोग गर्नु रोटरीको धर्म सम्झेर उनिहरुलाई स्कुल आउने हौसला मिलोस् भन्ने उद्देश्यले सहयोग गरिएको बताए ।

कार्यक्रममा मानवीय सेवा रोटरीको धर्म हो भन्दै क्लबका पूर्व अध्यक्ष बलराम राइले यी साना कोपिलाहरुलाई फुल्ने र फल्ने वातावरण तयार गरिदिनु सबैको दायित्व रहेकोले आफ्नो क्लबले थोरै भएपनि सहयोग गर्न पाएकोमा खुशी व्यक्त गदै सहजीकरणमा सहयोग गर्ने स्कुलकी प्रधानाध्यापक निर्मला अर्याल लगायत स्कुलका चारै जना शिक्षक शिक्षिकाहरुप्रति आभार प्रकट गरे ।

२०७२ सालकोे भुकम्पले क्ष्यति भएको उक्त स्कुलको डीएलपीआइको सहयोगमा चार कोठे पक्की भवन निर्माणाधिन अवस्थामा छ ।