चितवन । सूचना संकलनको उपनाम दिएर घुमुवामा खटिएका प्रहरीहरु आफैं लुटपाटमा संलग्न भएको पाइएपछि चितवनमा परिचालित घुमुवा प्रहरीहरुको जम्बो टोली शुक्रबारदेखि खारेज भएको छ । सूचना संकलनको नाममा घुमुवामा खटिएका प्रहरीहरुका बारेमा धेरै नै गुनासो आएपछि घुमुवा प्रहरी हटाइएको स्रोत बताउँछ ।

बिहीबार साँझ कौडा खेल्न गएका केही समूहलाइ पक्राउ गर्नुको सट्टा उल्टै पैसा, मोबाइल लगायतका सामाग्रीहरु घुमुवा प्रहरी जवानद्वय दीपक खनाल र रामकुमार बिक आफैंले लुटेको घट्ना सार्वजनिक भए पछि चितवनमा घुमुवा प्रहरीहरु खारेज भएको हो ।

स्रोतका अनुसार प्रहरी जवानद्वयले भने आफुले पैसा नलुटेको र घट्नास्थलमा भने आफु उपस्थित भएको बयान दिएका छन् । चितवनका तत्कालीन प्रहरी प्रमुख (एसपी) नान्तिराज गुरुङका बिश्वासपात्र समेत रहेका यी दुइ घुमुवाहरु बदनाम रहेको प्रहरी स्रोत बताउँछ । यसअघिका एसपी गुरुङले दुइ असईद्वयको कमान्डमा १६ जना प्रहरीलाई आर्थिक संकलनका लागी घुमुवामा परिचालन गर्दै अतिरिक्त असुुुली धन्दा मच्चाएका थिए । जसमा यी दुई जवानद्वय समेत रहेेेका थिए ।

त्यसमध्य आधा दर्जन भन्दा बढी घुमुवा प्रहरीलाइ हाल हटाइएको हो । स्रोत भन्छ : अहिले असई ठाकुर पनेरुको कमान्डमा दुइ जना प्रहरी जवानद्वय घुमुवामा खटिएका छन् । ती मध्य एक जना प्रहरी जवान डिल्ली बुढाथोकी हुन् भने, अर्का प्रहरी जवानको नाम खुल्न सकेको छैनन् । प्रहरी जवान बुढाथोकी अहिले पाँच दिने बिदामा घर गएको कर्मचारी प्रशासनका एक प्रहरीले आफ्नु नाम नबताउने सर्तमा बताए ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय

---

---

---