सहकारी साक्षरता तथा वित्तीय व्यवश्थापन तालिम सञ्चालन

साझा पाना २०७७ फागुन ७ गते १६:४२ मा प्रकाशित

काठमाडौं । काठमाडौंको टोखा नगरपालिकाको सहकारी शाखाले सहकारी साक्षरता तथा वित्तिय व्यवश्थापन सम्बन्धि तीन दिने तालिम शुरु गरेको छ ।

बिहीवारदेखिको वडा नम्बर ३ को कार्यालयको एक सभाहलमा तालिम शुचारु भइरहेको नगरपालिकाले जनाएको छ ।

नगरपालिकाभित्र हालसालै शुरु भएका ४ वटा बहुउद्देश्यीय सहकारी संस्था र एउटा बचत तथा ऋण सहकारी संस्था गरि ५ वटा सहकारीका करिब ४० जना महिलादिदीबहिनीहरुले निकै उत्सुकताका साथ तालिममा सहभागिता जनाउनु भएको टोखा नगरपालिका उपप्रमुख ज्ञानमाया डङ्गोलले बताउनु भयो ।

सहकारीलाई व्यवस्थित तवरले कसरी सञ्चालन गर्ने, यसको विस्तार र स्तरोउन्न्तीमा ध्यान दिइ सहकारीको वित्तिय व्यवस्थापनलाई कसरी चुस्त र दुरुस्त बनाउने भन्ने विषयमा सहभागीहरुलाई पोख्त बानाउने उद्देश्यले तालिमको आयोजना गरिएको उपप्रमुख डङ्गोलको भनाई छ ।

तालिम हरेक दिन ५ घण्टा ३ वटा चरणमा सञ्चालन भइरहेका नगरपालिकाको सहकारी साखाले जनाएको छ ।