चितवन । चितवन प्रहरीले एकैदिन २५ जना फरार ब्यक्तिलाइ पक्राउ गरेको छ । जिल्ला प्रहरी कार्यालय चितवन र ईलाका प्रहरी कार्यालय दिव्यनगरबाट खटिएको प्रहरीको विशेष टोलीले विभिन्न मुद्दामा सम्मानित चितवन जिल्ला अदालतबाट कैद तथा जरीवाना सजाय सुनाई फरार रहेका व्यक्तिहरूलाई पक्राउ गरिएको जिल्ला प्रहरी कार्यालय चितवनका प्रमुख (एसपी) नान्तिराज गुरुङले जानकारी दिए ।

एसपी गुरुङका अनुसार नकवजनी चोरी, सवारी ज्यान, लागू औषध, बहु बिबाह, बन पैदावार, राष्ट्रिय निकुञ्ज सम्बन्धि कसूर, केही सार्वजनिक अपराध, जालसाजी, सम्बन्ध बिच्छेद मुद्दामा फरार रहेका २२ पुरुष र ३ महिला गरि २५ जनालाइ खोजतलास गर्ने क्रममा उनीहरुलाइ हिजो बुधबार पक्राउ गरिएको जनाएको छ ।

पक्राउ परेकाहरुलाइ फैसला कार्यान्वयनको लागी सम्मानित चितवन जिल्ला अदालतमा बुझाईएको एसपी गुरुङले बताए । साथै, उनलेे विभिन्न मुद्दामा विभिन्न समयमा फरार रहेका अन्य ब्यक्तिहरुको समेत चितवन प्रहरीले खोजीकार्यलाई तीव्रता दिइएको समेत जनाएका छन् ।

थप समाचार

हुम्लामा हिमपात

सोफा उत्पादक सङ्घको अध्यक्षमा धरेल  

प्रधानमन्त्रीलाई कालो झन्डा देखाउने सात जना पक्राउ

सुदूरपश्चिमलाई हराउँदै चितवनको तेस्रो जित