टाेखा नगरपालिकामा स्थानिय कृषकहरुद्धारा उत्पादित कृषिको उचित व्यवस्थापन तथा बजारीकरण गर्न सहजताको लागी टोखा नगरपालिका वडा नं.३ झुडोलमा कृषि संकलन केन्द्रको स्थापना सम्बन्धी स्थलगत अध्ययन भएको छ । टोखा नगरपालिकाका उप-प्रमुख श्री ज्ञानमाया डंगोलको अग्रसरतामा कृषि शाखा प्रमुख,योजना प्रमुख, प्राविधिक प्रतिनिधिहरु,अमीन र स्थानीय कृषकहरुको समुहले टाेखा नगरपालिका वडा नं.३ स्थित झुडोलमा स्थलगत अवलोकन गर्नु भएको हो ।

 

अवलोकनको क्रममा टाेखानगर उप-प्रमुख ज्ञानमाया डंगोलले टाेखा नगर-प्रमुख र सम्बन्धित वडाध्यक्ष सँग छलफल गरी आगामी नगर कार्यपालिका बैठकमा केन्द्र स्थापनाका लागि पहल गर्ने बताउनु भएको छ । यो योजनाबाट कृषि संकलन केन्द्रको स्थापना भएपछि टाेखाका स्थानीय कृषकहरुको परिश्रम र मेहनेतलाई उचित मूल्य तथा बजारीकरण गर्न सहज वातावरण मिल्नेछ ।

Tokha Live

क्याटेगोरी : समाचार
ट्याग : #कृषि संकलन केन्द्र

---

---

---