Techie IT
बिहीबार, जेठ १०,२०८१

नेकपाको सचिवालय बैठक : सचिवालयका सबैले राजीनामा दिनुपर्ने अर्को प्रस्ताव


काठमाडौं । सत्तारुढ नेकपाको सचिवालय बैठक मंसिर १३ गते फेरी बस्ने भएको छ । बैठकमा महासचिव विष्णु पौडेलले पार्टीका कार्यकर्ता र जनभावना अनुसार काम गर्न नसकेको भन्दै सचिवालयका सबैजनाले राजीनामा दिनुपर्ने प्रस्ताव राख्नुभएको छ ।
प्रधानमन्त्री निवास बालुवाटारमा दिउँसो एक बजेपछि करिव पौने दुई घण्टा बसेको सचिवालय बैठक पुनः बस्ने गरी सकिएको हो ।

‘पार्टी एकिकरण के का लागि भएको हो ? हामी कसरी चल्नुपर्ने थियो ? आज हामी के विषयमा छलफल गर्दैछौं ?, प्रश्न उठाउँदै महासचिव पौडेलले यस्तो धारणा राखेपछि सबै स्तब्ध बनेको सहभागी स्रोतले खुलानेपाललाई जानकारी दियो ।

बैठकमा पार्टी अध्यक्ष एवं प्रधानमन्त्री केपी शर्मा ओलीले कार्यकारी अध्यक्ष प्रचण्डले पेस गरेको पत्र अध्ययन गर्न र तयारी गर्न समय अपुग हुने बताउनुभएको थियो ।
सोही अनुसार बैठक पुन १० दिन पछि बस्ने गरी सकिएको हो ।

अध्यक्ष एवं प्रधानमन्त्री ओलीले आधारहीन, तर्कहीन कुरा राखेर आफूमाथि घेराबन्दी गरिएको, सरकारलाई काम गर्न नदिएको, राम्रो कामप्रति कहीँ कतै जस नदिएको भन्दै प्रतिवाद गर्नुभएको थियो ।
भदौ २६ गतेको सहमति अनुसार काम गर्न छोडेर पत्राचार गर्नतिर लागेकोमा आश्चर्य समेत जनाउनुभएको थियो ।
उहाँले पार्टी गतिविधि ठप्प रहेको, एकीकरणको मूल मर्म अनुसार काम हुन नसकेकोमा जनता रुष्ट रहेको भन्दै त्यस अनुसार पार्टीलाई अघि बढाउनुपर्ने धारणा समेत राख्नुभएको स्रोतले जानकारी दियो ।


क्याटेगोरी : समाचार
ट्याग : #breaking, #नेकपाको सचिवालय बैठक


तपाईको कमेन्ट लेख्नुहोस्


थप समाचार

Kathmandu
21°
Mostly Cloudy
5:10 am6:50 pm +0545