Techie IT
मंगलबार, वैशाख ४,२०८१

भाइ


पार्बती थापा

भाइ  १नाता यो दरिलो मनै र भरिको सुनौलो सप्ना तिमी ।
जन्मेको घर को छ यौटा भरको भाइ उज्यालो तिमी ।
तिमि छौ र यहाँ जमेछ माइती गन्तव्य मेरो पनी।
कुनै  दुःखले भेटेन कहिले तिम्रो छहारी मुनी।।

हे आमा पदमा चढाएँ फुल यो भाइ मलाइ दियौ।
मायाँको हारिमा फुलेर फलेको हाँगो एउटै थियौ।।
पुकारी दिदी हे भनेर ठडियो भाइ समिप जब।
किर्ति मा यशमा तिमी सम अरु पुग्दैन आशिष् छ

दुनियाँ जितेरै रमाइ हिंडेछु भाइ छ मेरो भनी।
आशामा गरछु सबै जुनिभरी खुसी भइ रै रनु।।
युगौ युग जिउनु महान बननु हिमाल झै अग्लिनु ।
भुमरी दुःख को पर्यो भने कतै पानी सरी संलनु।।

आउदैन मलाई चाड र पर्ब तिहार तिमी बिना।
गम्केका फुलले तिहार रचना गर्यो गरेन भन।।
फुलाएँ फुल यो बगैचा भरिनै उनेर मालाहरु।
घाँम झै उदाए हे भाइ तिमी है छोडेर काम वरु।।

 

छेक्नेछु तेलले फुटाइ ओखरु बाधा बडारी कन।
पोख्ने छु रङ त्यो निधार भरकै शोभा बढाइ झन।।
हार्ने छ यम ले बुझेर दिदी को मायाँ र श्रदाहरु।
कोर्नमा दिंदिन काँडाले तिमीलाई सट्टा दिदी छ बरु।।


क्याटेगोरी : समाचार
ट्याग : #पार्बती थापा, #भाइ


तपाईको कमेन्ट लेख्नुहोस्


Kathmandu
28°
Haze
5:37 am6:29 pm +0545