नुवाकोटमा २४ घण्टामा थप ६० जनामा कोरोना

साझापाना २०७७ कात्तिक १८ गते १७:४४ मा प्रकाशित

नुवाकोट, १८ कात्तिक । पछिल्लो २४ घण्टामा नुवाकोटमा थप ६० जनामा कोरोना संक्रमण पुष्टि भएको छ ।

स्वास्थ्य कार्यालय नुवाकोटद्धारा जारी विज्ञप्ति अनुसार मंगलबार गरिएको परीक्षणमा ३५ पुरुष र २५ महिलामा कोेरोना संक्रमण्म देखिएको हो ।

जसमा विदुर नगरपालिकामा ५२ जनामध्ये २१ महिला र ३१ जना पुरुष रहेका छन् । त्यस्तै लिखु गाउँपालिकामा २ जना महिला,पञ्चकन्या गाउँपालिकामा ३ पुरुष र १ महिला रहेका छन् । तादी गाउँपालिकामामा १ जना महिला र ककनी गाउँपालिकामा एक जना पुरुषमा कोरोना संक्रमण देखिएको छ ।

यससँगै नुवाकोटमा कोरोना संक्रमितको संख्या ५ सय ७३ पुगेको छ जसमध्ये ४ सय १० पुरुष र एकसय ६३ महिला रहेका छन् । हालसम्म २२३ जना जना संक्रमण मुक्त भएर घर फर्किएका छन् । संक्रिय संक्रमितको संख्या ३४७ रहेको छ ।

क्याटेगोरी : समाचार
ट्याग : #नुवाकोटमा थप ६० जनामा कोरोना