जीवनराज दाहाल (बर्दिवास, महोत्तरी )

कोरोना भाइरस ( COVID- 19) को महामारीको समयमा सबैले आफू र आफ्नो परिवार र उनीहरूको स्वास्थ तथा स्वार्थ मात्रै हेरेको पाइन्छ । प्रायः जसो सामाजिक सङ्घसस्थाहरू पनि मौन देखिन्छन् । यस्तो विषम परिस्थितिमा पनि युवा अभियान नेपाल, बर्दिबासका युवाहरू भने आफ्नो सामाजिक उपस्थिति बाक्लै देखाइ रहेका छन् । लकडाउन सङ्गै कोरोनाको त्रास बढेपछि यसबाट बच्ने उपायको अडियो भिडियो सामाजिक सन्जाल मार्फत सार्वजनिक गर्दै सामाजिक उत्तरदायित्व बहन गरेको देखिन्छ। हाल बर्दिबासका समसामयिक काममा दत्तचित्त भई खट्दै गर्नु भएका सस्थाका अध्यक्ष श्री विष्णु कुमार बम्जन ज्युले सदैव सामाजिक कार्यमा लागि रहने जानकारी दिनु भयो। संस्थामा आबद्ध सदस्य तथा कलाकारहरूको संस्थाप्रतिको माया, सद्भाव, संस्थालाई गर्नु भएको अमूल्य योगदानको उच्च कदर गर्दै आफ्ना सदस्य र कलाकारहरूको जीवन सहजीकरण र यो कोरोनाको कहरमा पनि पूर्ण आत्मविश्वासका साथ काम गर्न सकियोस् भनेर सबै २६ जनाको कोरोना बिमा रु. १००००० ( अक्षेरूपी एकलाख ) को लाग्ने शुल्क संस्थाका अध्यक्ष ज्युले नै तिरी सदस्यहरू सबलाई नि: शुल्क रूपमा सिद्धार्थ लाइफ इन्स्योरेन्स प्रा. लि. बाट बिमा गराइएको छ। यसबाट आगामी दिनमा संस्थाका काममा अपनत्वको भावले सबैले काम गर्ने र अन्य संघ संस्थाका लागि पनि उदाहरण पेश गरेकामा संस्थाकै उपाध्यक्ष श्री फडिन्द्र राज भट्टराईले खुसी ब्यक्त गर्नु भयो ।

थप समाचार

विराटनगरमा दुईदिने पर्यटन फोटो पत्रकारिता तालिम सुरु

महाराजगञ्ज वृत्तमा आगजनि र प्रहरीमाथि कुटपिट गर्ने युवक पेस्तोलसहित पक्राउ

एमाले तारकेश्वरले प्रतिगामी षडयन्त्रविरुद्ध भोली बिहान ७ बजे लामबगरबाट जनप्रदर्शन…

बागमती प्रदेश सरकारको स्वास्थ्य मन्त्रालयको कडा कदम: प्रदेशभित्र औषधि तथा…