शिवपुरी गाँउपालिकामा गत भदौ ८ गते ६७ जना गरिएको पिसिआर टेष्टमा ७ जना व्यक्तिमा कोरोना भाईरस संक्रमणको पुष्टि भएपछि समुदाय स्तरमा कोरोना संक्रमण फैलिन नदिनका लागी आज थप ३१४ जनाको कोरोना परिक्षणका लागी नमुना संकलन गरिएको छ।

संक्रमित हुनेहरुमा वडा नं १ मा १ जना, वडा नं ४ मा २ जना, वडा नं ५ मा ३ जना र गाँउपालीकाको एक थिए।। संक्रमितको ट्राभल हिस्ट्री र सम्पर्कमा आएका व्यक्तिको विवरण पत्ता लगाई गाँउपालिका, स्वास्थ्य संयोजक तथा जनप्रतिनिधिको सहयोगमा स्वाब संकलन भएको छ।

गाँउपालिकाको वडा न ३ र गाँउपालिकाको कार्यालय गरी दुई केन्द्रमा स्वाब संकलन गरिएको हो । वडा न. ३ मा १२६ र गा. पा भवनमा १८८ गरी कूल ३१४ जनाको स्वाब संकलन गरिएको स्वास्थ्य संयोजक हेम श्रेष्ठले बताउनु भएको छ। संकलित स्वाब परिक्षणको लागी प्रयोगशाला पठाईएको र रिपोर्ट ३ देखि ५ दिनमा आउने पनि श्रेष्ठले बताउनु भएको छ।

आज थप १,२२१ सहित नेपालमा अहिलेसम्म ३८,५६१ जनामा कोरोना संक्रमणको पुष्टि भैसकेको छ भने २२१ जना व्यक्तिको मृत्यु भैसकेको छ।

क्याटेगोरी : समाचार
ट्याग : #hot

---

---

---