Techie IT
मंगलबार, जेठ १५,२०८१

१५ महिला उपभोक्ता समितिलाई ३ प्रतिशत प्रोत्साहन पुरस्कार


संखुवासभाको खाँदबारी नगरपालिकाले नगर क्षेत्रका १५ वटा महिलाले नेतृत्व गरेको उपभोक्ता समितिलाई प्रोत्साहन स्वरुप पुरस्कार उपलव्ध गराएको छ । सामाजिक काममा प्रोत्साहन गर्न उदेश्यले महिलाको नेतृत्वमा बनेका उपभोक्ता समितिलाई योजनाको ३ प्रतिशत प्रोत्साहन स्वरुप रकम उपलव्ध गराइएको हो ।

छैठौ नगर परिषदको निर्णय अनुसार १५ वटा महिला उपभोक्ता समितिलाई रकम उपलव्ध गराइएको हो । उक्त रकम नगर प्रमुख मुरारीप्रसाद खतिवडाले उपभोक्ता समितिका अध्यक्षहरुलाई सोमबार हस्तान्तरण गर्नुभयो । सामाजिक काममा सहभागिता गराउने उदेश्यले उनीहरुलाई सम्मान स्वरुप प्रोत्साहन पुरस्कार दिइएको हो । यो रकम उपभोक्ता समितिले महिला उत्थान वा विकास निर्माणमा सामुहिक रुपमा खर्च गर्ने छन् ।


क्याटेगोरी : समाचार


तपाईको कमेन्ट लेख्नुहोस्


Kathmandu
27°
Mostly Cloudy
5:08 am6:53 pm +0545