टोखामा ढुङ्गा स्वोलीङ्गको काम तिब्र गतिमा , अनुगमनमा पुगे मेयर सहित जनप्रतिनिधि

साझा पाना २०७७ साउन ३२ गते ११:३० मा प्रकाशित

टोखा काठमाडौ । काठमाडौको प्राचिन एतिहासिक नगरी टोखा बजार भित्र अहिले ढुङ्गा स्वलीङ्गको काम भइरहेको छ ।

टोखा गेट बाट गणेश मन्दिर सम्म करिव २०० मिटर ढुङ्गा स्वोलीङ्गको काम भइरहेको स्थानिय समाज सेवी सत्यनारायण डंगोलले बताए ।

सो कार्यको निरिक्षण एवं अनुगमन गर्ने टोखा नगरपालिकाको मेयर प्रकाश अधिकारी , उपमेयर ,ज्ञानमाया डंगोल , प्रदेश सभासद दिपक निरौला पुगेका छन ।

प्राचिन एवम् पौराणिकताका साथै सांस्कृतिक नगरी टोखाको महत्वलाइ अझ विस्तारित गर्दै प्रमुख पर्यटकीय गन्तव्यका रुपमा विकास गर्नकालागि एकीकृत योजना अनुरुप नगरपालिका बाट करिब १ कारोड १० लाख रुपैया बजेट बिनियोजन भएको हो । टोखा संस्कृति सम्पदा संरक्षणका लागी नगर प्रशासन बिभिन्न योजनाका साथ लागी परेको मेयर प्रकाश अधिकारीले बताए ।

टोखामा विद्यमान संस्कृतिको संरक्षणसंगै पर्यटनको विकास निर्वादरुपमा सफल हुने बताउँदै प्रदेश सभासद दिपक निरौलाले टोखामा सस्कृति पर्यटनको प्रवद्धनबाट मुलुकको समृद्धिको मार्ग पहिल्याउँन सकिने बताउदै भौतिक पूर्वाधार तर्फ बिभिन्न काम भइरहेको बताए ।

त्यस्तै टोखा नगरपालिकाका प्रमुख प्रकाश अधिकारीले टोखाको विकासका लागि नगरपालिकाले गुरु योजना सहित कार्यारम्भ गरिसकेको बताउँदै टोखा नगरपालिका लाइ नमूना नगरपालिका बनाउन सहकार्यको खाँचो रहेको बताए ।

क्याटेगोरी : समाचार
ट्याग : #टोखामा ढुङ्गा स्वोलीङ्ग