कोरोना जस्तै लक्षण देखिएका तीन व्यक्तिको मृत्यु

साझापाना २०७७ साउन २१ गते १३:३५ मा प्रकाशित

कोरोना भाइरस जस्तै लक्षण देखापरेका सप्तरीका तीन जना व्यक्तिको मृत्यु भएको छ । मलेसियाबाट आएर होम क्वारेन्टिनमा बसेका एक जनाको र अस्पतालमा उपचार गराउँदै गरेका दुई जनाको मृत्यु भएको हो ।

डेढ् महिनाअघि मलेसियाबाट आएका जिल्लाको रुपनी गाउँपालिका ५ स्थित गढियाका ४५ वर्षीय पुरुषको मृत्यु भएको छ । उनलाई मंगलबार एक्कासी ज्वरो र श्वास फेर्न गाह्रो भएपछि उपचारका लागि राजविराजस्थित गजेन्द्रनारायण सिंह अस्पताल ल्याइएको थियो । यहाँ उपचार हुन नसकी धरानतर्फ पठाइएपछि त्यसतर्फ जाने क्रममा बाटोमै मृत्यु भएको अस्पतालका मेडिकल सुपरिटेन्डेन्ट डा। रञ्जित झाले जानकारी दिए ।

त्यस्तै अर्का दुई मृत्यु हुनेमा राजविराजस्थित डाक्नेश्वरी नगरपालिका ९ का ७४ वर्षीय र राजगढ गाउँपालिकाका ७१ वर्षीय वृद्ध छन्। छिन्नमस्ता अस्पतालमा उपचार गराउन भर्ना भएका उनिहरुलाइृ श्वास फेर्न गाह्रो भएपछि उपचारका लागि गत साउन १५ गते अस्पतालमा भर्ना गरिएको थियो ।

क्याटेगोरी : समाचार
ट्याग : #कोरोना