संखुवासभाको मकालुमा पहिरोले अरुण नदी थुनियो, ७ जना विस्थापित

साझा पाना २०७७ असार ७ गते १३:१५ मा प्रकाशित

संखुवासभाको मकालु गाउँपालिका २ र ५ नम्बर वडामा पर्ने ओयाङ्गमा पहिरो खसेपछि आशिंक रुपमा अरुण नदी थुनिएको छ । आईतबार गएको पहिरोले १ परिवारका ७ जना विस्थापित भएका छन् । उनीहरुलाई सुरक्षित स्थानमा सारीएको छ । जिल्ला प्रहरी कार्यालयका डिएसपी नवराज मल्लका अनुमार करिव ६ सय मिटर माथिबाट झरेको पहिरोले अरुण नदी थुनिदा करिव ३ सय मिटर पानीजमेर ड्याम बनेको छ । पहिरोले प्रकाश राईका ७ जनाको परिवार विस्थापित भएका हुन् ।

स्थानीय हिरालाल राईको घर र विर्खबहादुर राईको गोठ उच्च जोखिममा परेकाले खाली गररिएको डिएसपी मल्ले बताउनुभयो । विस्तृत जानकारी आइसकेको छैन । प्रहरीले अरुण नदी आसपास बस्ती रहेको अरुण तेश्रो आयोजनाको पावरहाउस स्थल पुखुवा आसरपास र हेलुवाबेसी, चेवाबेसी, मनकामना लगायतका क्षेत्रका स्थानीयलाई अरुण नदी आसपास नजान र सर्तक भएर बस्न आग्रह समेत गरेको छ ।

क्याटेगोरी : समाचार