चट्याङ लागेर काभ्रेमा १६ वर्षीया किशोरीको मृत्यु

साझापाना २०७९ जेठ ३ गते ०८:२८ मा प्रकाशित

बनेपा । काभ्रेपलाञ्चोकको रोशी गाउँपालिका–९ पनान्चेमा सोमबार दिउँसो चट्याङ लागेर एक किशोरीको मृत्यु भएको छ ।

जिल्ला प्रहरी कार्यालय काभ्रेपलाञ्चोकका प्रहरी नायब उपरीक्षक हरि खतिवडाका अनुसार सो ठाउँका गणेश लुङ्गेलीकी छोरी १६ वर्षीया साजनी लुङ्गेलीको मृत्यु भएको हो ।

घर नजिक बारीबाट घर फर्कने क्रममा अचानक चट्याङ लागी घाइते भएको र उपचारका लागि नमोबुद्ध नगरपालिकाको भकुण्डेस्थित स्थानीय मेडिकलमा ल्याउने क्रममा मृत्यु भएको प्रहरीले जनाएको छ । मृतकको शव परीक्षणका लागि धुलिखेल अस्पतालमा राखिएको प्रहरीले जनाएको छ ।

क्याटेगोरी : स्थानीय