झोकिलालको एक झोक गीतमार्फत

साझा पाना २०८१ साउन २३ गते १०:४१ मा प्रकाशित

एक मध्यम वर्गीय परिवारबाट संघर्ष गर्दै मैथिली भाषाका प्रायः गीत गाएर अगाडि बढ्दै आएका झोकिलाल महतो बर्दिवास महोत्तरीका स्थानीय गायक हुन् ।

कहिले मायाप्रिती, कहिले होली त कहिले मठ मन्दिरको गीत गाउने झोकिलालले भर्खरैमात्र राजकरण महतोको शब्द ओम शङ्करको सङ्गीतमा ‘जल भइर टुटेशवर जेबै यौ’ नामक भोजपुरी गीत बजारमा ल्याएका छन् ।

म्युजक भिडियो समेत बनेको उक्त गीतको छायाङ्कन दीपकराजले गरेका हुन् भने गीतमा झोकिलाललाई आरतिले मोड्लिङमा साथ दिएकी छिन् । सुपर मिथिला स्टुडियोबाट इडिटिङ मिक्सिङ भएको यस गीतमा कृष्णको आर्टवर्क डिजाइन देख्न पाइन्छ ।

”बर्दिबास नगरपालिका भित्र भएका मठ मन्दिरलाई विषय बनाएर गीतको माध्यमबाट प्रचारप्रसारगरी आफ्नो संस्कृतिलाई जगेर्ना गर्न मन छ ।” झोकिलालले एक अन्तर्वार्तामा भने ।

श्रावण महिनालाई लक्षित गर्दै बजारमा ल्याएका ‘जल भइर टुटेशवर जेबै यौ’ गीतलाई दर्शक श्रोताले Singh Entertainment युट्युब च्यानल मार्फत अडियो भिडियो दुबै हेर्न र सुन्न सक्नुहुनेछ ।