तारकेश्वर पैयाटारमा हास्य टेलिफिल्म ‘घामड दुनीया’को छायांकन

साझा पाना २०७७ कात्तिक २३ गते ०८:१६ मा प्रकाशित

काठमाडौं – नेपाली हास्य टेलिफिल्म ‘घामड दुनीया’ को आज ४ भाग प्रसारण गरिएको छ। रमाइलो सिनेप्लेक्स को प्रस्तुतिमा निर्मित हास्य टेलिफिल्म ‘घामड दुनीया’ नेपालको समसामयिक विषयमा आधारित उक्त हास्य टेलिफिल्म पूर्ण रुपमा पारिवारिक रहेको निर्माता रेसिका ढकालले बताएका छन्। यस टेलिफिल्मका निर्माता ढकालसँगै कार्यकारी निर्माता कृष्ण कार्की रहेका छन्।

बिमल काफले र मौसम बिक्रम शाहीको कथा र निर्देशनमा निर्माण हुने यस हास्य टेलिफिल्मलाई पारस खड्काले छायांकन गर्नुका साथै सम्पादन पनि गर्नेछन्।

काठमाडौंको तारकेश्वर नगरपालिकास्थित पैयाटारमा यस हास्य टेलिफिल्मको छायांकन गरिने भएको छ। यस पारिवारिक तथा हास्य टेलिफिल्ममा रमेश ढकाल, बिमल काफले, मौसम बिक्रम शाही, मोहन कृष्ण अधिकारी, शिवहरी रिजाल, बर्षा बि सी, सूसीला श्रेष्ठ, सरोज सुनदास, डिलाराम सापकोटा साथमा बाल कलाकार रप्सन ढकालको अभिनय रहेको छ। त्यस्तै, यस टिमका मिडिया पार्टनरको रुपमा ओपन खबर डट कम रहेको छ

क्याटेगोरी : मनोरञ्जन/साहित्य