काठमाण्डौं, १४ श्रावण – नेपाल चेम्बर अफ कमर्समा दुई दिने रक्त परिक्षण शिविर संचालनमा आएको छ । विश्व हेपाटाइटिस दिवसको अवसरमा नेपाल चेम्बर अफ कमर्स तथा एसआरएल डाइग्नोसिस प्रा.लिको संयुक्त तत्वावधानमा उक्त रक्त परिक्षण कार्यक्रम शुरु भएको हो ।

आजदेखि शुरु भएको २ दिने उक्त शिविरमा बिज्ञ डाक्टर एंव प्राविधिकबाट एचबिएसएजी, थाइराइड प्रोफाइल टेष्ट र सुगरको सहुलियत दरमा रक्त परिक्षण गरिएको छ ।

आज पहिलो दिन चेम्बरका पदाधिकारी, कर्मचारी वस्तुगत एंव चेम्बरमा आबद्ध अन्य संघका पदाधिकारी एंव सदस्यहरु, उद्योगी व्यवसायी एवं सचिवालयका कर्मचारीहरु र जमल, कान्तिपथ तथा ठमेलका सर्वसाधारणको समेत उपस्थिती भई रक्त परिक्षण गराएका छन् ।

भोली अर्थात १५ श्रावणमा समेत अपरान्ह् एक बजेदेखि साढे पाच बजेसम्म रक्त परिक्षण कार्यक्रम सचालनमा ंरहने छ ।

कार्यक्रमको आयोजना चेम्बर अफ कमर्सको शिक्षा तथा खेलकुद समितीको सक्रियतामा भएको हो ।

समितीका सभापती दिपक काजी तुलाधरले विगत केही वर्षदेखि नै चेम्बरले यस किसिमका सचेतनामूलक कार्यक्रम गर्दै आएको र यसका निरन्तरता स्वरुप कार्यक्रम गरिएको बताए ।

क्याटेगोरी : अर्थ
ट्याग : #नेपाल चेम्बर अफ कमर्स

---

---

---