शेयरको अनलाइन कारोबारका लागि यूजर र पासवर्ड कसरी लिने ?

साझा पाना २०७५ साउन ८ गते ०५:३० मा प्रकाशित

नेपाल स्टक एक्सचेन्ज (नेप्से)ले पूर्ण स्वचालित अनलाईन कारोबार प्रणालीमा आवद्ध हुन शेयर बजारका लगानीकर्तालाई ब्रोकर कार्यालयबाट यूजर नेम र पासवर्ड लिन आग्रह गरेको छ । साथै नेप्सेले ब्रोकर कार्यालयमा गएर व्यक्तिगत विवरण अध्यावधिक गर्न पनि भनेको छ ।

नेप्सेले साउन एक गतेबाट अनलाइन कारोबार प्रणालीको परीक्षण सुरुवात गरेको थियो ।

साउन ६ गतेसम्म ५० वटै दलाल व्यवसायीहरु प्रणाली (ट्रेड म्यानेजमेन्ट सिस्टम) सँग आवद्धता भएको हुँदा सम्पुर्ण लगानीकर्तालाई युजर नेम र पासवर्ड उपलब्ध गराउन सबै ब्रोकर कम्पनीहरुलाई भनेको छ ।