टुँडीखेलमा यसरी मनाइयो प्रजातन्त्र दिवस (फोटोफिचर)

साझापाना २०७५ फागुन ७ गते ०६:०० मा प्रकाशित

प्रधानमन्त्री केपी शर्मा ओलीले आजको दिन नेपालको प्रजातान्त्रिक आन्दोलनको गौरवमय इतिहासको सम्झना गर्ने दिन भएको बताएका छन्। ६९औं राष्ट्रिय प्रजातन्त्र दिवसका अवसरमा सैनिक मञ्च टुँडिखेलमा मन्तव्य राख्दै प्रधानमन्त्री ओलीले आजको दिन विगतमा भए गरेका कमजोरीको समीक्षा गर्दै प्राप्त उपलब्धिहरुलाई संस्थागत गर्ने र अघि बढ्न संकल्प गर्ने दिन रहेको बताए।

दिवसका अवसरमा फागुन ६ गते दिपावलीसँगै उपत्यकाका महानगर र नगरपालिकाले आआफ्नो क्षेत्रमा राष्ट्रिय झण्डा एवं व्यानरसहित नगरको सरसफाइ र सजावट गर्ने कार्यक्रम तय गरिएको थियो । राष्ट्रपतिको उपस्थितिमा सैनिक मञ्च टुँडिखेलमा सेनाले बिगुल बजाउने, तोप र बन्दुकबाट बढाइँ गर्ने, सेनाको हेलिकप्टरबाट पुष्पवृष्टि र बेलुन उडाउने तथा शहीदको आत्माको चिरशान्तिको कामनाका साथ पूजापाठ र प्रार्थनाको कार्यक्रम गरि प्रजातनत्र मनाइएको छ ।

विसं २००७ फागुन ७ गते १०४ वर्षे जहानियाँ राणा शासनको अन्त्य भएको दिनको सम्झनामा प्रत्येक वर्ष फागुन ७ गते प्रजातन्त्र दिवस मनाइन्छ ।