खेलकुद

स्वर्णपदकको सम्पूर्ण श्रेय स्कूल व्यवस्थापन : आकृति गुरुङ

काठमाडौं । जापानमा सम्पन्न भएको ४४. ५ केजी मुनिको तेक्वान्तो प्रतियोगितामा नेपालकी १४ वर्षीया बालिका आकृति गुरुङलाई स्वर्ण पदक जितेकी छिन ।

काठमाडौंको सामाखुशीमा रहेको संस्कार ईंग्लिश स्कुलकी छात्रा आकृतिलाई बिहीबार रिपोर्टर्स क्लब नेपालमा एक कार्यक्रमको आयोजना गर्दै उक्त स्कुलले गुरुङलाई सम्मान गरेको हो ।

स्वर्ण पदक विजेता गुरुङ संस्कार स्कुलमा हाल कक्षा ९ मा अध्ययनरत छिन् ।

कार्यक्रममा स्कुलकी निर्देशक विमला गुरुङले नेपालको छबि अन्तर्राष्ट्रियस्तरमा उँचो बनाउने काम गरेको भन्दै स्वर्ण पदक विजेता गुरुङलाई बधाई दिदै भविष्यमा पनि यस्ताखाले प्रतियोगितामा सहभागी हुनको लागि स्कुलको तर्फबाट सक्दो सहयोग गर्ने बताइन ।

गत एप्रिल १९ तारिख जापानको ओसाकामा सम्पन्न २५ राष्ट्र सहभागी अन्तर्राष्ट्रिय प्रतियोगितामा गुरुङले नेपालको लागि स्वर्ण पदक दिलाएकी थिईन् ।

स्वर्णपदक विजेता आकृति गुरुङले सफलताको सम्पूर्ण श्रेय स्कूल व्यवस्थापन र गुरुको मार्ग्निर्देशन रहेको बताइन ।

Facebook Comments
Tags

Related Articles