ब्रेकिंग न्युज

बाढी पीडितको उद्धारमा खट्न कार्यकर्तालाई ओली र प्रचण्डको संयुक्त अपिल

काठमाडाैं । नेपाल कम्युनिष्ट पार्टीका अध्यक्षद्वय पुष्पकमल दाहाल र केपी शर्मा अाेलीले संयुक्त वक्तव्य जारी गर्दै बाढी, पहिरो र डुबानबाट भएको मानवीय तथा भौतिक क्षतिबाट अत्यन्त दुःखी भएकाे जनाएका छन् ।

अाज बिहान एक प्रेस वक्तव्य जारी गर्दै दुबै अध्यक्षले पीडितहरुको उद्धार र राहत कार्यमा सरकारका तर्फबाट आवश्यक पहल भइरहेकै जनाएका छन् । वक्तव्यमा भनिएकाे छ, ‘हामी हाम्रो पार्टीका सबै तहका कमिटी, नेता–कार्यकर्ता र जनसंगठनहरुलाई पनि उद्धार र राहत कार्यमा सक्रियतापूर्वक जुट्न निर्देशित गर्दछौं । ‘

प्रेस वक्तव्य

देशका विभिन्न भागमा हालै भएको अविरल बर्षाका कारण सिर्जित बाढी, पहिरो र डुबानबाट भएको मानवीय तथा भौतिक क्षतिबाट हाम्रो पार्टी अत्यन्त दुःखी भएको छ । दुःखको यस घडीमा बाढी, पहिरो र डुबानमा परी ज्यान गुमाउनुहुने दिदी–बहिनी तथा दाजुभाइहरुप्रति हार्दिक श्रद्धाञ्जली अर्पण गर्दछौँ । साथै, यसक्रममा घाइते हुनुभएका सबैको शीघ्र स्वास्थ्यलाभको कामना गर्दै मृतकका परिवारजनप्रति गहिरो समवेदना व्यक्त गर्दछौँ ।

पीडितहरुको उद्धार र राहत कार्यमा सरकारका तर्फबाट आवश्यक पहल भइरहेकै छ । हामी हाम्रो पार्टीका सबै तहका कमिटी, नेता–कार्यकर्ता र जनसंगठनहरुलाई पनि उद्धार र राहत कार्यमा सक्रियतापूर्वक जुट्न निर्देशित गर्दछौं ।

पुष्पकमल दहाल ‘प्रचण्ड’

अध्यक्ष

केपी शर्मा ओली
अध्यक्ष

Facebook Comments
Tags

Related Articles